Íran

Írankvöld í Grjótaselinu

Í gærkvöld hittumst við í Grjótaselinu með fararstjóranum okkar honum Ali til að sjá hvert annað og fara yfir málin.

Að fylla út vegabréfsáritunina

Þegar búið var að koma upp tæknibúnaðinum fór Ali með okkur í að ljúka við að fylla út vegabréfsáritunina en hann kunni ýmis "trikk" í því sambandi. Ég var til dæmis með fyrirspurn um það hvort ég ætti ekki líka að senda myndina af mér með slæðu um höfuðið eins og hún Anna mín þurfti að hafa á sinn mynd en hann ráðlagði frá því þó honum þætti hugmyndin ekki fráleit nú þannig að ég sendi mynd af mér án slæðu.

Það tók dágóðan tíma að ganga frá þessum pappírum og verður ábyggilega gaman hjá þeim í íranska sendiráðinu í Ósló að yfirfara þetta allt og koma árituninni fyrir í vegabréfunum okkar.

Landið og sagan

Nú færðum við okkur um set til að hlíða á Ali segja okkur frá landi og þjóð í máli og myndum. Ali fór hér yfir ýmis atriði

tengslum við ferðina og sýndi okkur myndbrot frá þeim stöðum sem við heimsækjum í ferð okkar en þeir eru Dúbæ í Arabíska furstadæminu og í Íran eru það borgirnar Tehran - Kashan - Isfahan - Yazd - Shiraz og á eftir sýndi hann okkur þetta allt á korti. Að lokum komu svo myndir frá síðustu ferð til Íran.

Íranskt te og döðlur

Nú bauð Ali okkur upp á íranskt te og döðlur og Anna upp á annað góðgæti og settums við niður undir þessum góðgætum og spjölluðum saman um ferðina og var ljóst að mikil spenna var í mönnum að komast að stað þangað.