Að „Blogga“ um Íran og Dúbæ:

Þar sem enginn virðist hafa áhuga á þessu rugli manns hér á www.iran.blog.is, hefur nokkur tekið eftir breyttu útliti?  þá er spurningin hvort maður fari að hætta þessu eða kannske heldur maður þessu áfram fram að því að ferðin hefst þann 23.

Vellíðan áfram:

Við lendum í Dúbæ aðfararnótt þess 25. apríl um kl þrjú um nóttina eftir um sjö klukkutíma flug frá Lundúnum.  Við förum þá beint á hótelið okkar The Metropolitan Palace Hotel.  Síðdegis er síðan haldið í eyðimerkur safarí .  Nú er spurning hvort einhverjir vilji nota tíman hér frá kl sjö að morgni til kl fimm í nudd eða t.d. skíðaferð.

Á hótelinu er boðið upp á íþróttaaðstöðu: Nautilus líkamsræktina, sundlaug á þakinu, potta, sánu og gufuherbergi.  Einnig verslanir, hársnyrtistofu fyrir karla og konur, netkaffi  og viðskiptamiðstöð.

Ekki virðist  vera um nuddaðstöðu að ræða á hótelinu en okkur er boðið upp á þjónustu hjá The Metropolitan Resort & Beach Club og þangað er okkur ekið í sérstakri skutlu frá hótelinu.

Hefur einhver áhuga á að líta á þetta?

Nú, eða bregða sér á skíði í SkiDubai?